وليد حمدي اسرائيل

ان كنت حقا تحبها  .. عاملها وكأنها هاتفك الجوال .. احتضنها دائما بين يديك .. أطيل النظر اليها .. ابتسم في وجهها .. اضحك معها .. احتفظ بأسرارك لديها .. كن مرتبكا ، ضائعا ، وحيدا بدونها .. دعها تضئ لك العتمة ..  افتقدها حين تنفذ طاقتها و تنام .. واجلس بجانبها حتي تستعيد نشاطها و تستيقظ ... كن الوحيد الذي يعرف مفاتيح الوصول  الي قلبها .. ولا تنسي ان تجدد لها الرصيد في اول كل شهر ❤❤

سلام الله علي البنت : لـ | وليد القماديري

سلام الله
على البنت اللي مش معصومة م الأخطاء . لكن أخطاءها عن غير عمد .. بتقدر تطفي نار صدري ببسمة رقيقة مجنونة بدون خلط الهزار بالجد . لأن البنت دي وردة ف شوكها يبان ف هيئة شوك . لكن يملك صفات الورد .. بحاول ألقى فيها عيوب . بلاقي ف كل عيب ميزة
سلام الله
على البنت اللي حنيتها هيا السر و ابتسامتها تعويذة

دعوة فرح قصيدة للكبار فقط : لـ | وليد حمدي اسرائيل

/ #دعوة_فرح
#للكبار_فقط

جايبالي دعوه للفرح !
جايه بـ نفسك تعزميني !
قال يعني فكرك هنجرح
وأبكي وأقولك ارحميني
لأ يا شاطره..
1000 منك موجود بـ كتره
ياكشي يعني تكوني فاكره
كنت هقبل أبقا جوزك ..
أو يلامس جسمي جسمك
وأدفع الألوفات وأبوسك ..
طب وليه ؟!
مانتي كنتي بـ تيجي ليا
وقت لما كنت أعوزك ..
كان مفيش فـ نفسي حاجه
أو رايدها وماخدتهاش
وببلاش !
طب هقولك..
عارفه طبعا السيجاره
اللي بالجزمه يدوسوها لما تخلص ..
انتي أرخص !
صدقيني..
كنتي فتره وراحت لـ حالها
وكنت ساكت..
جايه ليه بـ تفكريني !
أينعم مانكرشي إنك
كنتي دايما بـ تريحيني ..
لما أحس بـ جوع أجيلك
ومن نجيلك توكليني !
حتي ريقك كان راويني !
فـ الجواز كان إيه حداكي
لجل بيه تزوديني ؟!
يلا رووحي للمغفل
اللي قالك تتجوزيني ؟!

عاوز طبيب يداوينى : لـ | وليد حمدي

عاوز_طبيب_يداوينى‬

خلاص مابقاش ف قلبى
مكان مافهوش آلم
كل اللى هويته بعنى
وزى الزمان ظلم
بموت انا كل ثانيه
ف سجن الجراح محبوس
حلمت بإحلى دنيا
والحلم كان كابوس
عاوز طبيب يداوينى
دا انا مش عارف اعيش
اقول لمين ياقلبى
وانا جرحى مايتحكيش
اقول دا اتخلى عنى
ولا اقول دا ماحبنيش
مش مهم ياقلبى اتكلم
المهم انك ترتاح
كده كده لازم يبقى معلم
مهما تداوى هتلقى جراح
عينى خلاص مابقتش تدمع
خلص ازاى الدمع ياعينى
هو الحزن عشان متجمع
يخلص دمعك قبل سنينى
رد ياقلبى وقلى ازاى
ازاى اكمل عمرى الجاى
ازاى وانا روحى خلاص ماتت
ليه جيلى تقول ندمان
وانت سبب كل الاحزان
بعد سنين العمر ما فاتت
اوعى تقولى ياقلبى دا ماضى
او حتى بجراحك راضى
يبقى انت بتضحك على نفسك
لما تقول على جرحك عادى
دا انتا جراحك فوق الوصف
عمرك ماهتشرحها كلام
حتى الناس مش هتسمع منهم
غير معلش او ياحرام
كل اللى هتحكيلو يقول
انك حد ضعيف مزلول
اصل الجرح ياقلبى يزل
يبقى اتألم من غير صوت
اصل كلامك منه بموت
مانتا جراحك مش بتقل
وجعك فيا ياقلبى تاعبنى
بس هتعمل ايه دا نصيبك
انك دقت الجرح بأيد
اللى كان فى الجرح طبيبك
قلى ياقلى مين كان حس
مين لجراحك عينه بتدمع
يبقى ياقلبى كفايه كلام
اصل محدش عاوز يسمع

يومياً بدخل بروفايلك : لـ | وليد حمدي

يومياً بدخل بروفايلك ..
وأتطمن عن حالتك منه ..
إيه يمنع واحد من إنه ..
يبعت مسجات علشان يعرف ..
أخبار عن ناس غالية تهمه .. ؟!
غير هي الدنيا بتبعدنا ..
عن أقرب ناس جوة عنينا ..
وبنفضل أصحاب و friends ..
إنما فـ الجد لوحدينا ..
..
إيه المانع أفتح شات وأبعت ..
إنك وحشاني فوق العادي ..
أكتر خالص فـ المرة دي ..
وبـ إن النوم غاب عـ الأوضة ..
ليه لازم أكتبها statu ..
وأكتب فـ الأخر مقصودة ..
ليه لازم أحبك فـ الهاشتاج ..
ليه لازم اشير صورة وأشتاق ..
ليه لازم أعاند و تعاندي ..
ليه لازم أحبك من عندي ..
من عندك لاء وبدون أسباب ..
ليه أكتب شئ مخصوص ليكي ..
وأستني أشوف كلمة إعجاب ..
ليه عارفة إنك أيموشن فرح ..
مع ذلك متعود مايجيش ..
ليه حالفة بـ إنك ماتحنيش ؟!
ليه لما أتجرء وأبعتلك ..
أوقات يا تردي يا ماترديش ..
ليه قلبك واقف عـ الواحدة ..
وأنا ليه متعود عـ الوحدة ..
رغم إن الشات مليان ناس on ..
بتنرفز لما موبايلي يرن ..
من غير ما يكون إسمك عندي ..
وأتجنن لما صوابعي تحن ..
أو أبعت وأقولك عدي ..
إنما كالعادة مبتعديش ...
وبيفضل كل اللي ما بينا ..
status ننشرها علي الفيس  ..

walled

كانسر : لـ | وليد حمدي

كانسر‬
طب ليه الموت بيفرق ..
إتنين واخدين علي بعض ..
لو واحد فيهم غايب
التاني يتوه في الارض ..
البنت اللي أنا حبيتها ..
كانت عيانة بكانسر
كات عينها ساعات بتدمع
وتخبي وجعها عشاني ..
رغم الكانسر كات عينها
مليانة جمال رباني ..
سبحان الله بتتحمل
وتكمل رغم مرضها ..
أنا كنت بكل بساطة
بتحول طفل قصادها ..
وأحضنها وأنام م اللهفة
كات كل إسبوع توحشني
أجريلها علي المستشفى ..
مش عارف مين كان فعلا
وقتها محتاج للتاني ..
كات هي اللي بتحتاجني
وﻻ أنا من غيرها بعاني ..
بالوقت عرفت حقيقة
إن الكانسر هياخدها ..
وبقيت وف كل دقيقة ..
بلمس بايديا خدودها ..
وأشبع علي قد ما اقدر ..
دكتور القسم ساعتها ..
جالها وادها مخدر ..
وبكيب من كتر وجعها ..
وعشان مقدرش أوجعها ..
هزرت كتير وداريت ..
ودعيت لو إن الكانسر ..
يديني الجرعه مكانها ..
كان أهون إني أتالم ..
من إني احس ألمها ..
وكأن الدعا كان فعلا ..
مستني باني أدعيه ..
حسيت بصداع و بدوخة
ومشوفتش شئ لحظتها ..
اكتر من سلمي أهم ..
نمت من الدوخة و فقت ..
علي صوت دكتور بيقولي ...
عندك كانسر في الدم ..
مسالتش غير علي سلمي ..
قالوا الحالة بتتحسن ..
بس إنت في موقف صعب ..
كملت الدعوة ساعتها ..
قولتله أشفيها يارب ..
عيشها وخليها أم ..
وإن مت ياريت تنساني ..
وياريت لو ممكن يعني ..
تديها الحب مكاني ..
كات سلمي ساعتها ف أوضتي
سامعة الحدوتة بحالها ..
قولتلها اخيرا فوقتي ..
ومشوفتش اﻻ جمالها ..
فقالتلي الموت لو فرق
إتنين واخدين واخدين علي بعض ..
أو واحد فيهم غاب ..
التاني هيتوه في اﻻرض ..
وأنا من غيرك ببساطة ..
مش هقدر إني أعيش ..
سألتني أنا نايم ليه ..
رديت وﻻ حاجة مفيش ..
خدتها ومشيت في الحال ..
مش عايز ثانية تفوت ..
من غير ما أقدر افرحها ..
وقتها خفت من الموت ..
علشان بس هيجرحها ..

رقم غلط : لـ | وليد حمدي

رقم غلط...

مكالمه جت من رقم..كان فيه كذا سبعه
دخل الولد اوضتُه ..علي رنته الرابعه
وفتح وقال ايوه.
.وقالتله يا رامي ..فينك مطنشني
داانت حبيب روحي..حبك معيشني
اوعاك تغيب عني..اصلك بتوحشني
سكت الولد حبّه..معرفش يتكلم
لو قال مانيش هوه..البنت تتألّم
فضل الولد ساكت..مذهول ومتبلم
فقالتله ايه مالك..مبقتش بتطيقني؟
ايه اللي جه ف بالك..قررت تفارقني
راح قال ياست الكل..انتي قتلتيني
مين اللي يستاهلك دانتي دهشتيني
شايلاله فنطاس حُب..والواد مطريلك
راح شافله بير تاني..بعد اما داق نيلك
واكيد دا كان يسهر..ليلُه يغنيلك
فجأه سكت تاني..ونطق بمتأسف
انّي بقولك كده..دي بجد حاجه تكسف
ليه بينكوا اتدخّل..وابحث واستكشف
وقالتله اسمك ايه..
رد الولد ليدو !!!
قالت ونعم الناس
اسمك دا ليه الحان..قلبك ده زي الماس
والله انا ارتحتلك..جدا ياسيد الناس
راح الولا اتلخبطت..وقال ياسنه سوده
حس انه متدهول..بتلف بيه الاوضه
راح قال يا100شكرا..ميرسي علي كلامك
بعد كده تركزي ..وتشوفي ارقامك
لو كان رامي حبيبك..رقمه مكنش اتغلط
انتي اكيد فاضيه..وطالبه ارقام غلط
فقالتله انا فعلا ..طالبه كده اتسلي
لكن حنان صوتك..قطعني وما خلّي
قال تكرمي شكرا..انا اصلي مش كولدير
وامي اللي ربتني..عاملتني اني امير
واللي انتي عاوزاهم..ف الدنيا ديّا كتير
لكني مش منهم..انا حاجه غير الغير
قفلت لكن فعلا..الواد ده لخبطها
وكانه من ذوقه..وقعها وشقطها
رنت عليه تاني..مرضيش يرد ابدا
قال احترام للولد..اللي ارتبط بيها
واكيد شويه زعل..وراجع ف يوم ليها
وبلاش الخبطهم..واربك بقا حياتهم
لكن بقا الحلوه..سنجل ولا ارتبطت
ولا عندها رامي ..ولا عندها مدحت
لكن جمال صوته..خلاها بقا كدبت
لكنها مكالمه..شافها الولد عدت
هي بقا عشقت..لكلامه واتشدت
جتله كمان رنه..نفس الرقم تاني
راح قال يادي النيله..م البنت اه ياني
راح قال نعم قالت..لو لحظه اسمعني
وافهم كلامي صح..بعديها هتقرر
انك تكون جنبي او يوم تودعني
اول مكالمه بيننا..فعلا دي كات لعبه
ورامي اللي اتقال..اصلا ده كان كدبه
لكن حياة الملل..والله دي صعبه
وانا لما كلمتك..معرفش ايه جرالي
من كلمتين منك..لخبطتلي حالي
ليدو اذا تسمح..جاوب علي سؤالي
ممكن ف يوم تُعجب..بواحده ف التليفون
يمكن اذا توافق..يتقال عليك مجنون
راح قال انا اصلا..اعجبت م الاول
وكنت بتمني..مكالمتنا دي تطول
لكن اذا غصبتك..كنت ابقي متسول
لكن كده فهمتك..وكلامنا اتحول
واهي بادئه قصتنا..نبنيها م الاول
واهي كات مكالمه غلط..لكن حياه بدأت
وحبها فعلا..وهي ليه عشقت
معرفش ده كويس..ولا ده لحظه عبط
بقا قصه كده تبتدي..بعد المكالمه الغلط؟

عادي سينجل : لـ | وليد حمدي

عادي سنجل
لسه سنجل ..
مرة أحب أدوب و أضحك
مرة أقول بدري وأجل ..
وأنتي ياللي بكرة جايا
بكرة تبقي نور عينيا
وأبقي ليكي وعمري ما أبعد
عن عنيكي ولو شوية ,,
بكرة هتطمن عليكي
وأشتري الدباديب اليكي
تلبسي الدبلة فـ أيديكي
و يبقي رسمي و أرتباط
وأما أقول بعشق عنيكي
تفرحي وسط البنات ..
بكرة هاجي الفجر بدري
تحت بيتك زي عادتي
والمح الشباك و ضيك
يسرقوا مـ العمر وقتي
عـ الازاز بالضحكة طالة
والضفاير مرسومين
وأما أشوفك كل مرة
أسألك الحلوة مين .. ؟!
تضحكي فـ أرد يعني ..
.. كل مرة بتبقي أحلي
لسه شايفك زي طفلة
أيدها لسه صغيرين ..

صباح الخير 2 : لـ | وليد حمدي

صباح الخير ..
بقولهالك ..
برغم الجرح و الرهبة ..
برغم إني منمتش فترة مش سهلة ..
صباح الخير ..
وعن زعلك مفيش وﻻ حاجة مستاهلة ..
دموع عينك أمانة عليكي خبيها ..
أنا مقبلش اشوف في عينيكي يوم دمعة
يكون شخصي السبب فيها ..
بحبك حب تلقائي و عشوائي بدون ترتيب ..
بسيب فيكي الدعا تبقي
في علم الغيب ..
ساعات الفرح و الضحكة ..
و مش هقبل أكون جرحك وﻻ حتي سنين فكة ..
و سيبتيها في دوﻻب أوضتك ..
أمانة عليكي تبتسمي ده أنا محتاج أدوق حضنك .. وحشتيني .. وحشني زعلك الهادي ..
وحشني صوتك الطيب .. و قلبك اللي غير عادي
صباح الخير ..
بقولها ألف مية مرة و أقول أكتر ..
يا أكتر بنت حبتني وكانت راضية بتقدر ..
أنا اللي غبائي صورلي اسيبك فترة و استهتر ..
ولما بعدت عن بيتك خسرت كتير ..
ومش عارفة عينيا تقول لعينيك لو صباح الخير ..
وليه أبعد وأنا مش قد حرمانك ..
أنا اللي لفترة كنتلك أبوكي و أخوكي و أمانك ..
ياريت أسمع سماح منك ولو بالكدب ..
ياريت قلبك يحس بقلب واحد من زمان بيحب ..
لكنه كان غبي في علاقته متحول ..
ودلوقتي يشوف كل البنات و يسب ..
و يتمني ولو ساعة معاكي تيجي م اﻻول ..

صباح الخير 1 : لـ | وليد حمدي

صباح الخير ..
و كالعادة ..
بحبك ..
كلمة وإتقالت ..
قديمة عقيمة متعادة ..
..
صباح الخير ..
غريب صوتك ..
و هادي لـ درجة طفولية ..
كأني بحب بنوتة ..
كلامها أتخلق ليا ..
وصوتها بَكر بطبيعته ..
كمانجا و ناي فـ مزيكته ..
لـ عازف قلبه لسه مازال ..
بيكتب نوتة لـ حبيبته ..
صباح الخير ..
لـ رعشة صوتك الملموم
فـ أحضاني أنا مـ البرد ..
لـ شمس الدنيا لما تقوم ..
علي همسك فـ ودن الورد ..
صباح الخير علي حسنك ..
صباح الخير علي حزنك ..
صباح الخير علي فرحك ..
صباح الخير علي جرحك ..
صباح الخير ولما أزعل ..
ويحصل برضو أنا مسامحك ..
صباح الخير لأحضانك ..
لفقدانك ولرجوعك و لدموعك
ولوجودك ولغيابك لمكياجك ..
لـ فستانك لـ برفانك ..
لكل ما فيكي من قوة ..
لكل ما فيكي من رقة ..
لكل ما فيكي من طيبة و من حواديت ..
صباح الخير ..
ومـ الأخر .. خلاص حبيت ..

...... التالي صباح الخير2 ......

أنا العاشق لحرف السين : لـ | وليد حمدي

بقلك إيه ..
صباح الخير ..
ومش هقدر أقولك غير ..
وصلت لحالة المجنون في فيلم قديم و تكراري ..
بحبك و إنتي بتخبي و لسه عنيدة بتداري ..
وأنا الساكن في حضن الفجر .. " و حياتك " ..
تعيدي الفكرة و تحاولي تسيبي عينيكي تتكلم ..
تسيبي إيديكي تتصرف ف وقت ما نبقي بنسلم ..
تسيبي قلبك الطيب يقربلي يقربلي .. يقرب تاني من قلبي ..
و اقربلك و اقربلك و اقرب حبة من قلبك ..
وﻻ واحدة ف كل الدنيا من قبلك .. حضنت الدنيا بعينيها وكنت برمشها مفتون .. بقالي سنين ..
أنا العاشق لحرف السين ..
ﻻنه من حروف إسمك ..
وانا اللي رفضت يوم أنظر بشهوة لحتة من جسمك ..
بحبك طفلة مش اكتر بشوفك منتهي العفة ..
بحبك حب يتقدر برسم الضحكة ع الشفا ..
صباح الخير ..
يا غير كل البنات عندي ..
صباح الخير ..
يا أكتر واحدة بتعاندي ..
و غاوية سكوت ..
صباح الخير ..
من اﻷخر .. بحبك موت ..

الواقع المصري : لـ | وليد حمدي

الواقع المصري.
.
.
.
.البنت عايزه الولد.
.لكنه ساب البلد.
.سافر لشبكه ومهر.
.وحاجات كتيرة العدد.
.
.الشاب راح اشتغل.
.وفي الحياه انشغل.
.كام باب في وشه اتقفل.
.و م الليالي اتجلد.
.
.البنت جالها عريس.
.جاهز وعال العال.
.وحبيبها لسه بعيد.
.ومبهدله الترحال.
.
.الصبر منها انتهى.
.وافقت عشان أهلها.
.سنتين ورجع الولد.
.لقاها أم عيال.
.
.نزلت دموعه وبقا.
.زعلان على سنين شقا.
.وساعتها شاف دنيته.
.صغيره وضيقه.
.
.شاف غيرها ف ارتاحلها.
.وطلبها من أهلها.
.وما جاش في باله تكون.
.وافقت عشان أهلها.
.
.ما هي برضو حبت ولد.
.سافر وساب البلد.
.سافر لشبكه ومهر.
.وحاجات كتيرة العدد.
.
.إلخ
.
.إلخ
.
.إلخ
.

.

وأول مرة : لـ | وليد حمدي

وأول مرة أروح و أهتم
ببنت جديدة في تجارة
وأول مرة أنزف دم
في ماتش لعبته في الحارة
وأول مرة أروح
مصيف بدون عيلتي
وأول فسحة ويا بسنت
بأخر مية جنيه حيلتي
وأول قعدة عالقهوة
في ضهر الجامعة مع إسلام
وأول مألمة أقلام
وأول مرة أروح أفلام
أنا و الشلة في السيما
وأول مرة أقول خلاويص
يرد أصحابي ﻻ لسه
وأول كتة م الحصة
وأول مرة أشيل مادة
و أول مرة بالدبلة
بنخرج برة نتغدي
وأول رنة في التليفون
وأول تبس للجرسون
قصادها عشان أكون جنتل
وأول تاكس توصيلة
و قبل البيت تقوم تنزل
وأول شلة ع الدكة
و أول مرة أكون شايل
في جيبي فلوس غير الفكة ..
و أول كل شئ سيبته عشان السن
وأول دعوة من واحد غريب و مسن
وأول مرة أخاف م الجن
وأول كل إحساس عشته في طفولتي
واول مرة احس بسني ورجولتي
وإني كبرت ع الخفة اللي في الحارة
واول شدة لسجارة
وأول مرة احس بأني شاب عجوز
وأول غنوة أحفظها بصوت فيروز
وأول مرة قلبي يحب
وأول مرة م الخنقة اللي فيها أسب
وأول مرة اشيل مفتاح لباب البيت
ﻻول مرة أحس بأني كنت عبيط
عشان كان منتهي حلمي
اني يوم أكبر
و أبطل فرجة ع الكرتون
و أبطل أعمل الواجب
و انام بالغصب و الشخطة
وابطل ارتب الشنطة
علي الجدول و ع الحصة
ﻻول تذكرة مترو
ركبتو لوحدي ف اعدادي
ﻻول مرة كان عادي
حاجات كانت وجودها مهم
شوقها يقل ..
ﻷول مرة تتحول حياتي ً
لشئ قديم و ممل ..

بنتي منك : لـ | وليد حمدي

بنتي منك شئ طبيعي
تبقي أجمل مـ الطبيعة
تبقي لو تفرح و تضحك
أحلي من مليون مذيعة
أحلي من يسرا فـ زمانها
معجزة هادية و بديعة
بنتي منك عادي جداً
لون عيونها يبقي عسلي
وأما تاخد صورة سيلفي
غمازاتها تبقي أصلي
واما أشوفها فـ حضنك إنتي
مـ السعادة تسيب مفاصلي
وارثة منك كل حاجة
شعر كيرلي طويل يجنن
لمضة وأما أروح أبوسها
تجري مني / تقول يحنن
يعني سبحان اللي صور
صورك / فـ بقيتي إنتي
جملك فـ بقيتي أمي
كملك فـ بقيتي بنتي .. !!

الحياة أنك تكون : لـ | وليد حمدي

الفاعل دايما مرفوع
علشان فاهم مش مخدوع
والمفعول دايما منصوب
والواقع عليه مكتوب
والفعل ف اصله للفاعل
ان كان مجنون او عاقل

الجمله الفعليه حالات
بس المفعول فيها بالذات
مغلوب علي امره
منزوعه منه الصلاحيات
وان مره جاتله ترقيه
تيجي ف حاله مستعصيه
والفعل بيبقي مجهول
والفاعل اصلا مقتول
ويبقي نائب للفاعل
مش قادر حتي يكون فاعل؟
يا مكمل عمرك مفعول
اياك تشكي ف يوم م الكسرة
ولا تظهر علامات الحسرة
انته اللي اخترت تكون!!

وان عشت حياتك فاعل
افرح يالرفع وبالضمه
دا الضمه منك لحبيب
والجمله حب و محبوب وحبيب

وان بختك خلاك منصوب
اياك تشكي من المكتوب
انته بنفسك ارسم نفسك
واكتب وضعك ف الصوره
والجمله بتعتك خليها
دايما مرفوعه ومضمومه
مش جمله ضعيفة ومهزومه

الحياه انك تكون يا فاعل يا مفعول
يا تري انته اخترت تكون ايه؟

يا أم العيون "القادرة" : لـ | وليد حمدي

يا أم العيون "تسحر"
وتهزم جيوش عده .
ياأم الشفايف "تسكر"
والخدود كالورده.
الأرض تخجل "تحتك"
ويثبت دورانها ليك
حقيقي بجد "بختك"
يا ساحر الكل بعنيك
عودك المنشوق المبهر
رافعك ل فوق السما
خليت الغيور "يهجر"
يتمني مكانك""مني""

خايف عليك من الحسد
يبعد عليك الحزن
سبحان واحد احد
خلق فيك الحسن
أنت حاله مش قواله
أنت حسن غطا وعده
موطن ومركز الدلالة
عديت حسابات المعدله
عين تجن من سحرها
ورمشها غاويه أذيه
اه لما تمخطر خصرها
يوقف الزمن ف اللحظه ديه
جمال وحمار خدودها
يشبه عناقيد الكريز
ياويلي لما تميل بعودها
تزلزل اثاثات الحديد
الشفايف من جمالها
تشتهي لو بس نظره
أدوب أنا من دلالها
أم العيون القادرة

أنا آسف جداً ، سامحوني : لـ | وليد حمدي

أنا آسف جدا يا حبيبتي ..مقدرتش أحقق أحلامي ...
بتآسف جدا لأصحابي
أنا أخري ألمَحْكُم ف منامي ..
بتأسف جدا للدنيا
والهم الساكن أيامي ..
أنا آسف جدا يا إلهي 
محسوب ف الدين إني مسيحي
وف حق الروح ديما جاير ..
فأنا آسف جداً يا عيوبي
أصبحت في أسرارك مُجْرم ..
وبَلّف في توهة ودواير ..
إحكولي عن بلبل طاير
بيشقلق ديماً بغناه
ويرفرف بجناحه الثاير
وف قلبه الحب تملي حياة
حالا مصلوب ع حبة قمح
يتمني الرب يلبّي نداه
إندفنت عينه ف رَشّة ملح ..
وبراحه ساكن جواه
ف الفترة اللي بيحلم بالطرح
بيلاقي غيطانه ناسياه
زارع للناس الخير فدادين
فعلا مسكين !! وماليه الجرح
والناس بتعاند مثواه
وإن ضحكت ليه الدنيا يومين
الحزن معشش جواه ...
ف أنا آسف جداً ، سامحوني
طوّلت عليكم ف الشرح ...
والشرح بداية المأساه

بان عليها : لـ | وليد حمدي

الدموع اللى فعنيها
والبرود الل فايديها
والرعشه فوق شفايف
لا ياقلبى اوعى تضعف
اوعى لحظه تبقى خايف
انسى كل حاجه واهجر
وارمى منديل الغرام
هو بعد كرامتك ايه
اسكت....
متقولشِ حرام
بان عليها كل حاجه
بان عليها قرار عيونها
امشى واهجر كل حاجه
حبنا مبقاش يفيدها
هىَ شافت ؟
هىَ خافت ؟
هىَ ضعفت ؟
هىَ رفضت ؟
م النهايه خلاص بعدنا
والحنين مبقاش يلذ
اكتم الدمعه وحوشها
اوعى ياقلبى تقولها
السؤال اللى فـخيالك
السؤال ده مستفز
اقلب الصفحه لقصه
اقلب الصفحه وانسى
كل لحظه وكل همسه
وكل كلمه قالتها ليك
تجربه و ده وقت فات
والحياه مش راح تقف
دَوّب الاحزان بضحكه
وارسم البعاد دى سكه
بدأت هنا ....
من مُنتصف
الطريق .....
اللى مشناه
هاكمله لوحدى
الحقيقه
سِكتك غير سّكتى
متعمليش فيها بريئه
وافتكر دايماً ياقلبى
انه اصبح ماضى فات
انه اصبح حب مات
ارمى كل شىء وراك
هما اصلا دمعتين
مرسومين .... ع الخدود
بتحاول تقنع فـروحها
مظلومه
ومش جرحاك
ايوه امشى من سكات
بس سيب ضحكه فوشك
تفهم انه ماضى فات
و مش هتفرق يوم معاك